പത്തനംതിട്ട : എ. ജി. മലയാളം ഡിസ്ട്രിക്ട് യുവജന വിഭാഗമായ ക്രൈസ്റ്റ് അംബാസഡേഴ്സ് (സി.എ) ക്യാമ്പ് സെപ്തംബർ 7 മുതൽ 10 വരെ പെരുനാട് കർമ്മൽ എഞ്ചിനീയറിംഗ് കോളേജ് കാമ്പസിൽ നടക്കും. “യഥാർത്ഥ ക്രിസ്ത്രീയ വ്യക്തിത്വം” (True Christian Identity) എന്നതാണ് ക്യാമ്പ് തീം.
ഡിസ്ട്രിക് സി എ പ്രസിഡൻ്റ് പാസ്റ്റർ ജോസ് റ്റി ജോർജിൻ്റെ അദ്ധ്യക്ഷതയിൽ നടക്കുന്ന പ്രാരംഭ സമ്മേളനത്തിൽ എ ജി മദ്ധ്യമേഖല ഡയറക്ടർ പാസ്റ്റർ ജെ. സജി ക്യാമ്പ് ഉദ്ഘാടനം ചെയ്യും. എ. ജി. സൂപ്രണ്ട് പാസ്റ്റർ റ്റി. ജെ. സാമുവേൽ, അസി. സൂപ്രണ്ട് ഡോ. ഐസക് വി. മാത്യു, റവ. റോബി ജെ. മാത്യു, ഡോ. എഞ്ചൽ എൽസ വർഗീസ് എന്നിവരാണ് പ്രധാന പ്രഭാഷകർ.
പാസ്റ്റർമാരായ തോമസ് ഫിലിപ്പ്, പി. കെ. ജോസ്, പി. ബേബി, രാജൻ എബ്രഹാം, കെ. നന്നു, നിറ്റ്സൺ കെ. വർഗീസ്, ഡോ. സന്തോഷ് ജോൺ തുടങ്ങിയവർ തീം കേന്ദ്രീകൃത ക്ലാസുകൾ നയിക്കും. അജി ജോർജ് വാളകം, ഡോ. സോജൻ വർഗീസ് എന്നിവർ കരിയർ കൗൺസലിംഗ്, ജനറൽ കൗൺസലിംഗ് സെഷനുകൾക്ക് നേതൃത്വം നല്കും. ഷാജൻ ജോൺ ഇടയ്ക്കാട് ഡിബേറ്റ് നയിക്കും.
ബ്ലസൻ മേമന, ഇമ്മാനുവേൽ കെ. ബി., ബിനീഷാ ബാബ്ജി, പാസ്റ്റർമാരായ ശ്യം കൃഷ്ണ, സാബു ചാരുംമൂട്, സാം റോബിൻസൺ തുടങ്ങിയവർ ആരാധനയ്ക്കു നേതൃത്വം നല്കും. മേഖലാ ഡയറക്ടർമാരായ പാസ്റ്റേഴ്സ് പി. കെ. യേശുദാസ്, ബാബു വർഗീസ് എന്നിവരും പ്രസംഗിക്കും.
സി എ വൈസ് പ്രസിഡൻ്റ് അജീഷ് കൃസ്റ്റഫർ, ജോയിൻ്റ് സെക്രട്ടറി ബിനീഷ് ബി. പി., ഇവാഞ്ചലിസം കൺവീനർ സിജു മാത്യു, ചാരിറ്റി കൺവീനർ ജോയൽ മാത്യു തുടങ്ങിയവരും സെക്ഷൻ ഭാരവാഹികളും വിവിധ സെഷനുകൾക്കു നേതൃത്വം നല്കും.
