December 11, 2023

ഹെബ്രോൻപുരം : ഇന്ത്യ പെന്തെക്കോസ്ത് ദൈവസഭ ശദാബ്ദി കൺവൻഷന്റെ ഒരുക്കങ്ങൾ സഭാസ്ഥാനമായ കുമ്പനാട് ഹെബ്രോൻപുരത്ത് ആരംഭിച്ചു. ഐപിസി ജനറൽ പ്രസിഡന്റ് പാസ്റ്റർ ഡോ. റ്റി. വത്സൻ എബ്രഹാമിന്റെ നേതൃത്വത്തിൽ പാസ്റ്റർ ടി. എ. ചെറിയാൻ (ഐപിസി സീനിയർ മിനിസ്റ്റർ), പാസ്റ്റർ ബേബി വർഗീസ് (ജനറൽ സെക്രട്ടറി), കാച്ചാണത്ത് വർക്കി എബ്രഹാം (ഐപിസി ജനറൽ ജോയിന്റ്  സെക്രട്ടറി), ജോൺ ജോസഫ് (ജനറൽ ട്രഷറർ) എന്നിവർ ചേർന്ന് കുമ്പനാട് 2024 നൂറാമത്  ജനറൽ കൺവൻഷൻ പന്തലിന്റെ കാൽനാട്ട് കർമ്മം നിർവഹിച്ചു. […]

വാളകം : പി വൈ പി എ വാളകം സെന്ററിന്റെ നേതൃത്വത്തിൽ ഡിസംബർ 10 ഞായർ വൈകിട്ട് 3 മണിക്ക് കോലഞ്ചേരി എം ഓ എസ് സി മെഡിക്കൽ കോളേജിൽ രക്തദാന ക്യാമ്പ് നടത്തി. നിരവധി പി വൈ പി എ അംഗങ്ങൾ പങ്കെടുത്തു. പി വൈ പി എ വാളകം സെന്റർ ഭാരവാഹികൾ നേതൃത്വം നൽകി. 

ഹരിപ്പാട് : വീയപുരം പായിപ്പാട് ഐപിസി ബെഥേൽ സഭയുടെ ആഭിമുഖ്യത്തിൽ ഡിസം. 16 ന് മുറ്റത്ത് കൺവൻഷൻ എരത്തോട് റെജി തഴക്കരയുടെ ഭവനാങ്കണത്തിൽ നടക്കും. സഭാ ശുശ്രുഷകൻ പാ. റെജി ചെറിയാന്റെ അദ്ധ്യക്ഷതയിൽ നടക്കുന്ന കൺവൻഷനിൽ പാസ്റ്റർ റെജി ശാസ്താംകോട്ട വചനശുശ്രുഷ നിർവഹിക്കും. ശാലേം വോയ്‌സ് ചെറുതന ഗാനശുശ്രുഷ നിർവഹിക്കും. കൂടുതൽ വിവരങ്ങൾക്ക് : എം. വി. ഫിലിപ്പ് (+91 94470 89456), പാ. റെജി ചെറിയാൻ (+91 99473 73559) (വാർത്ത : ഷോബിൻ തോമസ്, വീയപുരം)