മുളക്കുഴ : ചർച്ച് ഓഫ് ഗോഡ് കേരള സ്റ്റേറ്റ് 98-ാമത് ജനറല്‍ കണ്‍വന്‍ഷന്‍ റവ : സി. സി. തോമസ് ഉത്‌ഘാടനം ചെയ്തു. ‘ലോകം അതിഭയങ്കരമായ പ്രതിസന്ധികളിലൂടെ കടന്ന് പോകുന്ന ഈ കാലഘട്ടത്തില്‍, ദൈവവിശ്വാസത്തോടെ പ്രതിസന്ധികളെ അതിജീവിക്കുവാന്‍ നമുക്ക് കഴിയണം. കോവിഡ് 19 പോലെയുള്ള മഹാമാരികളും, പ്രകൃതി ദുരന്തങ്ങളും മനുഷ്യ കുലത്തിന് വെല്ലുവിളിയാകുകയും ഭയചകിതരാകുകയും ചെയ്യുമ്പോള്‍ ദൈവീക വിശ്വാസത്തോടെ മുന്നേറുവാന്‍ ഭക്തര്‍ക്ക് സാധിക്കണം’ എന്ന് പാസ്റ്റര്‍ സി.സി തോമസ് പ്രസ്താവിച്ചു. ചര്‍ച്ച് ഓഫ് ഗോഡ് ഇന്‍ ഇന്‍ഡ്യാ കേരളാ സ്റ്റേറ്റ് 98-ാമത് ജനറല്‍ കണ്‍വന്‍ഷന്‍ ഉദ്ഘാടനം ചെയ്ത് സംസാരിക്കുകായിരുന്നു അദ്ദേഹം. സ്റ്റേറ്റ് കൗണ്‍സില്‍ പാ. റ്റി. എം. മാമച്ചന്‍ അദ്ധ്യക്ഷത വഹിച്ച സമ്മേളനത്തില്‍ സ്റ്റേറ്റ് അഡ്മിനിസ്‌ട്രേറ്റിവ് അസിസ്റ്റന്റ് പാ. വൈ. റെജി സ്വാഗതപ്രസംഗം നടത്തി. പാസ്റ്റര്‍രമാരായ എ. റ്റി. ജോസഫ്, വൈ. മോനി, വൈ.ജോസ്, പി.എ ജെറാള്‍ഡ്, വി.പി തോമസ്, എം.ജോണ്‍സന്‍, ജെ ജോസഫ് തുടങ്ങിയവര്‍ പ്രസംഗിച്ചു. കൺവൻഷൻ മാർച്ച് 13 ന് സമാപിക്കും.
(വാർത്ത : പാ. ഷൈജു തോമസ് ഞാറയ്ക്കൽ)
