മുളക്കുഴ : ചർച്ച് ഓഫ് ഗോഡ് കേരളാ സ്റ്റേറ്റ് ഓവർസിയറായ പാസ്റ്റർ സി. സി. തോമസ് നേതൃത്വ പാഠങ്ങളുടെ അനുകരണിയ മാതൃകയാണന്ന് മന്ത്രി ശ്രീ സജി ചെറിയാൻ. ചർച്ച് ഓഫ് ഗോഡ് ദേശിയ ചെയർമാനായി തെരഞ്ഞെടുക്കപ്പെട്ട പാസ്റ്റർ സി. സി. തോമസിനെ അനുമോദിക്കാൻ സംഘടിപ്പിച്ച സമ്മേളനം സഭാ ആസ്ഥാനത്ത് ഉത്ഘാടനം ചെയ്ത് സംസാരിക്കുകയായിരുന്നു അദ്ദേഹം.
“നേതാക്കന്മാർക്ക് ഉണ്ടായിരിക്കേണ്ട പ്രധാനപ്പെട്ട നേതൃത്വ ഗുണങ്ങൾ സമന്വയിച്ച വ്യക്തിയാണ് പാസ്റ്റർ സി. സി. തോമസ്. ചെങ്ങന്നൂർ ക്രിസ്ത്യൻ കോളജിൽ എൻ്റെ സമശീർഷകനായി പഠിക്കുന്ന കാലത്ത് തികച്ചും സൗമ്യനും സ്വാത്വീകനുമായിരുന്ന പാസ്റ്റർ സി. സി. തോമസിൻ്റെ സ്ഥാനലബ്ദി ചരിത്ര നിയോഗമാണ്. കൊട്ടാരക്കരയിൽ നടന്ന ജ്യേഷ്ഠൻ്റെ മകളുടെ വിവാഹ ശുശ്രൂഷ നടത്തിയത് പാസ്റ്റർ സി. സി. തോമസാണ്. എന്നെ ഏറെ വികാരഭരിതനാക്കുകയും ആകർഷിക്കുകയും ചെയ്ത വിവാഹ ശുശ്രൂഷയായിരുന്നു അത്. ശുശ്രൂഷകളിൽ അദ്ദേഹം പുലർത്തുന്ന മികച്ച അച്ചടക്കം ശ്രദ്ദേയമാണ്”, മന്ത്രി കൂട്ടിച്ചേർത്തു.
