ദുബായ് : മണക്കാല സ്വദേശിയും, ഷാർജ ശാരോൻ ഫെല്ലോഷിപ്പ് സഭാംഗവുമായ നയോമി ജോബിൻ (5) ദുബായിൽ വാഹനാപകടത്തിൽ കർത്തൃസന്നിധിയിൽ ചേർക്കപ്പെട്ടു. ജോബിൻ ബാബു വർഗീസിന്റെയും സോബിൻ ജോബിന്റെയും മകളാണ് നയോമി. ഫെബ്രു. 23 ന് നാട്ടിൽ നിന്ന് മടങ്ങവേ ദുബായ് വിമാനത്താവളത്തിൽനിന്ന് താമസസ്ഥലത്തേക്കുള്ള യാത്രയിൽ വാഹനത്തിന്റെ ടയർ പൊട്ടിത്തെറിച്ചാണ് അപകടമുണ്ടായത്. ഷാർജ ഇന്ത്യൻ സ്‌കൂൾ കെ. ജി. വൺ വിദ്യാർഥിനിയാണ് നയോമി. നയോമിയുടെ ഇരട്ടസഹോദരൻ നിതിൻ ജോബിൻ, സഹോദരി നോവ ജോയ് എന്നിവരാണ് ജോബിൻ – സോബിൻ ദമ്പതികളുടെ മറ്റ് മക്കൾ.
സംസ്കാരം പിന്നീട് ഷാർജ ശാരോൻ ഫെല്ലോഷിപ്പ് സഭയുടെ നേതൃത്വത്തിൽ ദുബായിൽ നടക്കും.
