മുളക്കുഴ : ചര്‍ച്ച് ഓഫ് ഗോഡ് സൗത്ത് എഷ്യന്‍ സൂപ്രണ്ട് ആയി നിയമിതനായ റവ. സി. സി. തോമസിനെ ചര്‍ച്ച് ഓഫ് ഗോഡ് കേരളാ സ്റ്റേറ്റ് കൗണ്‍സിലും ബിലിവേഴ്‌സ് ബോര്‍ഡും അനുമോദിച്ചു. നിലവില്‍ ചര്‍ച്ച് ഓഫ് ഗോഡ് കേരളാ സ്റ്റേറ്റ് അഡ്മിനിസ്‌ട്രേറ്റിവ് ബിഷപ്പും ഓള്‍ ഇന്‍ഡ്യാ ഗവേണിംഗ് ബോഡി ചെയര്‍മാനുമായ റവ. സി. സി. തോമസിനെ 2024 ജൂലൈ 8 മുതല്‍ 12 വരെ അമേരിക്കയിലെ ഇന്‍ഡ്യാനപോളിസ് സംസ്ഥാനത്തിലെ ഇന്‍ഡ്യാനയില്‍ നടന്ന സഭയുടെ അന്തര്‍ദ്ദേശിയ സമ്മേളനത്തിലാണ് ഔദ്യോഗിക പ്രഖ്യാപനം ഉണ്ടാകുകയും തുടര്‍ന്ന് അദ്ദേഹം പ്രസ്തുത ചുമതല ഏറ്റെടുക്കുകയും ചെയ്തത്.
അനുമോദന സമ്മേളനം 2024 ജൂലൈ 23-ാം തീയതി ചൊവ്വാഴ്ച മുളക്കുഴ സീയോന്‍ കുന്നില്‍ നടന്നു. സമ്മേളനത്തിന് അഡ്മിനിസ്‌ട്രേറ്റീവ് അസിസ്റ്റന്റ് പാസ്റ്റര്‍ വൈ. റെജി അദ്ധ്യക്ഷത വഹിച്ചു. കൗണ്‍സില്‍ സെക്രട്ടറി പാസ്റ്റര്‍ സാംകുട്ടി മാത്യു സ്വാഗത പ്രസംഗം നടത്തി. എഡ്യുക്കേഷന്‍ ഡയറക്ടര്‍ ഡോക്ടര്‍ ഷിബു കെ. മാത്യ മുഖ്യ പ്രഭാഷണം നടത്തി. കൗണ്‍സില്‍ ജോ. സെക്രട്ടറി പാസ്റ്റര്‍ പി. എ. ജെറാള്‍ഡ് സങ്കീര്‍ത്തനം വായിച്ചു. ഐപിസി കേരളാ സ്റ്റേറ്റ് സെക്രട്ടറി, പാസ്റ്റര്‍ ദാനിയേല്‍ കൊന്നനില്‍ക്കുന്നതില്‍, അസംബ്ലീസ് ഓഫ് ഗോഡ് മലയാളം ഡിസ്ട്രിക്ട്, ചര്‍ച്ച് ഓഫ് ഗോഡ് കേരളാ റീജിയന്‍ ഓവര്‍സിയര്‍ പാസ്റ്റര്‍ എന്‍. പി. കൊച്ചുമോന്‍, ശാരോന്‍ ഫെലോഷിപ്പ ജനറല്‍ സെക്രട്ടറി പാസ്റ്റര്‍ ജോണ്‍സന്‍ കെ. ശാമുവേല്‍, ഐപിസി കേരളാ സ്റ്റേറ്റ് ജോ. സെക്രട്ടറി പാസ്റ്റര്‍ രാജു ആനിക്കാട്, റ്റി. എം മാത്യു (മാനേജിംഗ് എഡിറ്റര്‍, ഗുഡ് ന്യൂസ്), ഫിന്നി പി.മാത്യു (ചീഫ് എഡിറ്റര്‍ സ്വര്‍ഗീയ ധ്വനി), പാസ്റ്റര്‍ ഷിജു മത്തായി, ജോസഫ് മറ്റത്തുകാലാ, പാസ്റ്റര്‍ റ്റി. എം. മാമ്മച്ചന്‍, പാസ്റ്റര്‍ വി. പി. തോമസ്, പാസ്റ്റര്‍ ജെയ്‌സ് പാണ്ടനാട്, പാസ്റ്റര്‍ റ്റി. എ. ജോര്‍ജ്ജ്, പാസ്റ്റര്‍ സജി ജോര്‍ജ്ജ്, പാസ്റ്റര്‍ വൈ. മോനി, പാസ്റ്റര്‍ വൈ. ജോസ്, സിസ്റ്റര്‍ മേരിക്കുട്ടി ഏബ്രഹാം, റ്റി. യോഹന്നാന്‍, ബിനോയി പി. അലക്‌സ് എന്നിവര്‍ ആശംസകള്‍ അറിയിച്ചു. ചര്‍ച്ച് ഓഫ് ഗോഡ് കേരളാ സ്റ്റേറ്റ് കൗണ്‍സില്‍, സ്റ്റേറ്റ് ബിലീവേഴ്‌സ് ബോര്‍ഡ്, സണ്ടേസ്‌കൂള്‍ ഡിപ്പാര്‍ട്ട്‌മെന്റ്, വൈ.പി.ഇ. ഡിപ്പാര്‍ട്ട്‌മെന്റ് എന്നിവര്‍ ഫലകം ന്‌ല്കി ആദരിച്ചു. കൃതഞ്ജത പ്രസംഗം അല്‍മായ ജോ.സെക്രട്ടറി അജി കുളങ്ങര നിര്‍വ്വഹിച്ചു. പാസ്റ്റര്‍മാരായ ഫിന്നി ജോസഫ്, ഷൈജു തോമസ് ഞാറയ്ക്കല്‍, സജി ഏബ്രഹാം, ബ്രദര്‍ സി. പി. വര്‍ഗീസ് എന്നിവര്‍ പ്രാര്‍ത്ഥിച്ചു. ബോവസ് രാജുവിന്റെ നേതൃത്വത്തിലുള്ള കണ്‍വന്‍ഷന്‍ ക്വയര്‍ ഗാനശുശ്രൂഷയ്ക്ക് നേതൃത്വം നല്കി.
കഴിഞ്ഞ 14 വര്‍ഷങ്ങള്‍ റീജിയണല്‍ സൂപ്രണ്ടന്റായി സേവനം അനുഷ്ടിച്ച റവ. കെന്‍ ആന്‍ഡേഴ്‌സണ്‍ സ്ഥാനം ഒഴിഞ്ഞതിനെ തുടര്‍ന്നാണ് ചര്‍ച്ച് ഓഫ് ഗോഡ് വേള്‍ഡ് മിഷന്‍ റവ. സി. സി തോമസിനെ സൗത്ത് ഏഷ്യന്‍ സുപ്രണ്ടന്റായി നീയമിച്ചത്. 191 രാജ്യങ്ങളിലായി വ്യാപിച്ച് കിടക്കുന്ന ചര്‍ച്ച് ഓഫ് ഗോഡ് സഭയുടെ ചരിത്രത്തില്‍ ആദ്യമായാണ് ഒരു ഏഷ്യന്‍ വംശജന്‍ ഇന്‍ഡ്യ ഉള്‍പ്പടെയുള്ള രാജ്യങ്ങളുടെ ചുമതലയില്‍ സൂപ്രണ്ടന്റായി നീയമിതനാകുന്നത്. കഴിഞ്ഞ 8 വര്‍ഷങ്ങളില്‍ കേരളാ സ്റ്റേറ്റ് ഓവര്‍സീയര്‍ എന്ന നിലയിയിലും ഇന്ത്യയിലെ ചര്‍ച്ച് ഓഫ് ഗോഡിന്റെ ചെയര്‍മാന്‍ എന്ന നിലയിലും നല്‍കിയ നേതൃത്വപാടവത്തിനും പ്രവര്‍ത്തന മികവിനുമുള്ള അംഗീകാരമാണ് പുതിയ പദവി. സൗത്ത് ഏഷ്യന്‍ സൂപ്രണ്ടന്റിന്റെ ഓഫീസ് പ്രവര്‍ത്തിക്കുന്നത് ചര്‍ച്ച് ഓഫ് ഗോഡിന്റെ ഏഷ്യയിലെ ഏറ്റവും വലിയ പ്രവര്‍ത്തന മേഖലയായ ചര്‍ച്ച് ഓഫ് ഗോഡ് കേരളാ സ്‌റ്റേറ്റിന്റെ ഹെഡ് ക്വാര്‍ട്ടേഴ്‌സ് സ്ഥിതി ചെയ്യുന്ന മുളക്കുഴയില്‍ ആയിരിക്കും എന്ന് വേള്‍ഡ് മിഷനില്‍ നിന്നും ലഭിച്ച അറിയിപ്പ്. അതോടൊപ്പം ചര്‍ച്ച് ഓഫ് ഗോഡ് ഓള്‍ ഇന്‍ഡ്യാ ഗവേണിംഗ് ബോഡി ചെയര്‍മാനായും റവ. സി. സി തോമസ് പ്രവര്‍ത്തിക്കും. 1913 ല്‍ യശശ്ശീരനായ റവ: കുക്ക് സായിപ്പിനാല്‍ ഇന്‍ഡ്യയില്‍ വിശേഷാല്‍ കേരളത്തില്‍ പ്രവര്‍ത്തനം ആരംഭിച്ചതാണ് ചര്‍ച്ച് ഓഫ് ഗോഡ് ഇന്ത്യ. കേരളാ സ്‌റ്റേറ്റിന് ലഭിക്കുന്ന അംഗീകരമായാണ് ഇത് കാണുന്നത്.
മുളക്കുഴ ചിറയില്‍ വീട്ടില്‍ സി.ഐ. ചാക്കോ തങ്കമ്മ ചാക്കോ എന്നിവരുടെ മകനായി 1964 ഫെബ്രുവരി 4ാം തീയതി ജനിച്ച പാസ്റ്റര്‍ സി. സി തോമസ് 2016 സെപ്റ്റംബറിലാണ് ഇന്‍ഡ്യാ ദൈവസഭയുടെ ഓവര്‍സിയറായി ചുമതല ഏറ്റത്. ചുമതല ഏറ്റ അന്നു മുതല്‍ വ്യക്തമായ പദ്ധതികളോടെ സഭയുടെ ഉന്നമനം ലക്ഷ്യമാക്കിയുള്ള പ്രവര്‍ത്തനമാണ് അദ്ദേഹം കാഴ്ചവച്ചത്.
പുനലൂര്‍, മണക്കാല എന്നിവിടങ്ങളില്‍ വേദ പഠനം നടത്തിയനന്തരം ഫിലിപ്പിയന്‍സിലും അമേരിക്കയിലുംവേദശാസ്ത്രത്തില്‍ ഉപരി പഠനം നടത്തി. അമേരിക്കയിലെ ടെന്നസിയില്‍ സഭാ ശുശ്രൂഷകനായി 8 വര്‍ഷം സേവനം അനുഷ്ഠിച്ചു. കേരളത്തില്‍ ഡിസ്ട്രിക്ട് പാസ്റ്ററായി പ്രവര്‍ത്തിച്ചിട്ടുണ്ട്. 1994-2007 വര്‍ഷങ്ങളില്‍ മുളക്കുഴ മൗണ്ട് സിയോന്‍ ബൈബിള്‍ കോളേജില്‍ അദ്ധ്യാപകനായിരുന്നു. 1999 മുതല്‍ തിരുവല്ല ഐസിറ്റിഎസ് രജിസ്ട്രാറായി പ്രവര്‍ത്തിച്ചു.2002 ല്‍ ഐസിറ്റിഎസിന്റെ അഡ്മിനിസ്‌ട്രേറ്ററായി വേള്‍ഡ് മിഷന്‍ നിയമിച്ചു. സഭയുടെ യുവജന പ്രസ്ഥാനമായ വൈ. പി. ഇ യുടെ പ്രസിഡന്റ്, ഐസിറ്റിഎസ് അഡ്മിനിസ്‌ട്രേറ്റര്‍, കൗണ്‍സില്‍ മെമ്പര്‍ തുടങ്ങി വിവിധ ശുശ്രൂഷാ സ്ഥാനങ്ങളും അദ്ദേഹം വഹിച്ചിരുന്നു. ഭാര്യ: സുനു തോമസ്. മക്കള്‍: ഗ്രാന്റ് തോമസ്, നഥനയേല്‍ തോമസ്. മരുമക്കള്‍:നാന്‍സി തോമസ്, ഷാരണ്‍ വര്‍ഗീസ് കൊച്ചുമക്കള്‍:അരിയേലാ, എസക്കിയേല്‍, സമാറ
