മരണത്തിന് മുൻപും, മരണവും, മരണാനന്തരവും – (156)
പാ. വീയപുരം ജോർജ്കുട്ടി
എങ്ങനെയെങ്കിലും ഒന്നാം പുനഃരുത്ഥാനം പ്രാപിക്കണം
അപ്പോസ്തോലനായ വിശുദ്ധ പൗലോസിന്റെ വലിയ ഒരു ആഗ്രഹം താൻ വെളിപ്പെടുത്തുന്നത് (ഫിലി :3:11), ‘വല്ലവിധേനെയും മരിച്ചവരുടെ ഇടയിൽ നിന്നുള്ള പുനഃരുത്ഥാനം പ്രാപിക്കണം’ എന്നുള്ളതാണ്. ഈ ആഗ്രഹം വെളിപ്പെടുത്തിയ വ്യക്തിയുടെ യോഗ്യതകൾ നാം മനസ്സിലാക്കുമ്പോഴാണ്, ഒന്നാം പുനഃരുത്ഥാനം വളരെ എളുപ്പത്തിൽ പ്രാപിക്കാവുന്ന ഒന്നല്ലേയെന്നും അതിനായി വലിയ പരിശ്രമം ആവശ്യമാണെന്നും നമുക്ക് ബോദ്ധ്യമാകുന്നത്.
1) ഗമാലിയേലിന്റെ കാൽക്കൽ ഇരുന്ന് പിതാക്കന്മാരുടെ ന്യായപ്രമാണം സൂക്ഷമതയോടെ അഭ്യസിച്ചവൻ (അപ്പൊ :22:3)
2) ദൈവസേവയിൽ എരിവുള്ളവൻ (അപ്പൊ :22:3)
3) വിദ്യാബഹുത്വമുള്ളവൻ (അപ്പൊ : 26:24)
4) സന്നിദ്രിസംഘത്തിലെ അംഗമായിരുന്നു
5) ന്യായപ്രമാണം സംബന്ധിച്ച് തികഞ്ഞ പരീശനായി ജീവിച്ചവൻ (ഫിലി :3:5)
6) ന്യായപ്രമാണത്തിലെ നീതി സംബന്ധിച്ച് അനിന്ദ്യൻ (ഫിലി :3:6)
7) എട്ടാം നാളിൽ പരിച്ഛേദന ഏറ്റവൻ (ഫിലി :3:5)
8) ‘ശൗലേ, ശൗലേ’ എന്ന തന്റെ പേര് കർത്താവ് വിളിക്കുന്നത് വ്യക്തമായി കേട്ടവൻ (അപ്പൊ :9:4)
9) അറേബിയയിൽ കർത്താവ് നേരിട്ട് പ്രത്യക്ഷനായി, കർത്താവ് നടത്തിയ പെസഹായും തിരുവത്താഴവും അതിന്റെ ക്രമം അനുസരിച്ച് നേരിട്ട് മനസ്സിലാക്കിയവൻ (1 കോരി :11:23, ഗലാ :1:16,17, 2:6)
10)നിർമ്മലമനസ്സാക്ഷിയോട് കൂടെ ദൈവത്തെ ആരാധിച്ചവൻ (2 തിമോ :1:4)
11) രക്ഷിക്കപ്പെട്ടശേഷം മൂന്നാം ദിനത്തിൽ സ്നാനം ഏറ്റവൻ (അപ്പൊ : 9:18, 22:16)
12) സ്വർഗ്ഗീയ ദർശനം പ്രാപിച്ചവൻ (അപ്പൊ : 26:19)
13) മേൽക്കുമേൽ ദൈവശക്തി പ്രാപിച്ചവൻ (അപ്പൊ : 9:22, 9:17)
14) മനുഷ്യരാലുള്ള ബഹുമാനം നിരസിച്ചവൻ (അപ്പൊ : 14:8-18)
15) തന്റെ പേരിൽ ഗ്രൂപ്പ് (പാനൽ) പിടിക്കുവാൻ അനുവദിക്കാത്തവൻ (1 കോരി :1:12,13)
16) അന്ന് കൊരിന്തിൽ ഉണ്ടായിരുന്ന എല്ലാവരേക്കാളും അധികം അന്യഭാഷകളിൽ സംസാരിച്ചവൻ (1 കോരി :14:18)
17) വെളിപാടുകളുടെ ആധിക്യം ഉള്ളവൻ (2 കോരി :12:7)
18) കർത്താവിന്റെ നിമിത്തം എല്ലാം ചേതം എന്ന് എണ്ണിയവൻ (ഫിലി :3:8)
19) മറ്റ് അപ്പോസ്തോലന്മാരെക്കാൾ കർത്താവിന് വേണ്ടി അത്യന്തം അധ്വാനിച്ചവൻ (1 കോരി :15:10)
20) അതിസ്രേഷ്‌ഠതയുള്ള അപ്പോസ്തോലന്മാരെക്കാൾ ഒട്ടും കുറവില്ലാത്തവൻ (2 കോരി :11:5)
