Middle East

ഷാർജ : പ്രാർത്ഥനാസംഗമം (International Prayer Fellowship) ഒരുക്കുന്ന 2-മത് കുടുംബസംഗമം മെയ്‌ 23 മുതൽ 25 വരെ ഐ. സി. പി. എഫ്. ക്യാമ്പ് സെന്റർ, കുമ്പനാട് നടക്കും. ഈ വർഷത്തെ ചിന്താവിഷയം പ്രാർത്ഥനയിൽ പോരാടുക (Fervent Prayer) എന്നതാണ്. ഇന്ത്യയിലെ 22 സംസ്ഥാനങ്ങളിൽ നിന്നും വിവിധ രാജ്യങ്ങളിൽ നിന്നും 500 പേർ പങ്കെടുക്കുന്ന ക്യാമ്പിന്റെ ഒരുക്കങ്ങൾ പൂർത്തിയായി. ആരാധന, ദൈവ വചന പഠനം, മിഷൻ ചലച്ച്, സാക്ഷ്യം, കൌൺസിലിങ്ങ്, കുട്ടികൾക്കും യുവാക്കൾക്കും ഉള്ള പ്രത്യേക സെഷൻ, രോഗികൾക്ക്‌ വേണ്ടി പ്രത്യേക പ്രാർത്ഥന എന്നിവക്ക്‌ പാസ്റ്റർ കെ. പി. ജോസ് വേങ്ങൂർ നേതൃത്വം നൽകും. (വാർത്ത : കൊച്ചുമോൻ ആന്താര്യത്ത്, ഷാർജ)

അബുദാബി : അബുദാബി പെന്തക്കോസ്തൽ ചർച്ചസ് കോൺഗ്രിഗേഷൻ 2023 – 24 പ്രവർത്തന വർഷത്തെ പ്രഥമ സംയുക്ത ആരാധന മെയ് 19 വെള്ളിയാഴ്ച വൈകിട്ട് 8 മുതൽ 10 മണി വരെ അബുദാബിയിൽ വച്ച് നടത്തപ്പെടും. പ്രസ്തുത മീറ്റിംഗിൽ അപ്കോൺ ക്വയർ ഗാനങ്ങൾ ആലപിക്കും. മീറ്റിങ്ങിന് അപ്കോൺ പ്രസിഡന്റ് പാസ്റ്റർ എബി എം. വർഗീസ്, വൈസ് പ്രസിഡന്റ് സജി വർഗീസ്, സെക്രട്ടറി ജോഷ്വാ എം ജോർജ് തുടങ്ങിയവർ നേതൃത്വം നൽകും. (വാർത്ത : ഇവാ. ജോൻസി കടമ്മനിട്ട)