‘COVID-19′ : വിദ്യാർത്ഥികൾക്ക് പുതിയ മാർഗ്ഗരേഖയുമായി ശാരോൻ സൺഡേ സ്കൂൾ അസ്സോസിയേഷൻ
തിരുവല്ല : കൊറോണ മഹാമാരിയുടെ പശ്ചാത്തലത്തിൽ റെഗുലർ ക്ലാസ്സുകൾ തുടരുന്നതിന് തടസ്സം നേരിട്ടിരിക്കുന്നതിനാൽ അദ്ധ്യാപകർക്കും, സൺഡേ സ്കൂൾ വിദ്യാർത്ഥികൾക്കും പുതിയ മാർഗ്ഗ രേഖയുമായി ശാരോൻ ഫെലോഷിപ്പ് ചർച്ച് സൺഡേ സ്കൂൾ അസ്സോസിയേഷൻ.
ഏകദേശം 25-30 വരെ പാഠങ്ങൾ മാത്രമേ പൂർത്തിയായിട്ടുള്ളതിനാലും, മുൻ നിശ്ചയ പ്രകാരം വാർഷിക പരീക്ഷ നടത്തുവാൻ കഴിയാത്തതിനാലുമാണ് പുതിയ തീരുമാനങ്ങളിലേക്ക് അസോസിയേഷൻ ഭാരവാഹികൾ എത്തിച്ചേർന്നത്. സാഹചര്യങ്ങൾ അനുകൂലമെങ്കിൽ ജൂൺ 1 – ജൂലൈ 15 നുമിടയിൽ വാർഷിക പരീക്ഷ നടത്തുന്നതായിരിക്കും. ആദ്യത്തെ 25 പാഠങ്ങളായിരിക്കും വാർഷിക പരീക്ഷയ്ക്കുള്ള പാഠഭാഗമായി പരിഗണിക്കുന്നത്.
പാ. ജേക്കബ് ജോർജ് (ഡയറക്ടർ), കെ. തങ്കച്ചൻ (ജനറൽ സെക്രട്ടറി) എന്നിവർ പ്രസിദ്ധീകരിച്ച വിശദമായ നിർദേശങ്ങൾ ചുവടെ ചേർത്തിരിക്കുന്നു.