പെന്തെക്കോസ്ത് സഭകളുടെ 2022 ലെ ജനറൽ കൺവൻഷൻ ഒരുക്കങ്ങൾ പുരോഗമിക്കുന്നു
(ശാരോൻ, PMG ജനറൽ കൺവൻഷനുകൾ സമാപിച്ചു;
NICOG – ജനു. 13-16,
IPC – ജനു. 16-23,
CGI കേരള സ്റ്റേറ്റ് – ജനു. 27-29,
WME – ഫെബ്രു. 21-27,
CGI കേരള റീജിയൻ – ഫെബ്രു. 23-25)
കോവിഡ് – 19 മഹാമാരി കാലത്തും ദൈവസഭകളുടെ പ്രവർത്തനങ്ങൾ അത്ഭുതകരമായി ദൈവം നടത്തുന്നു. പുതുവർഷത്തിൽ വിവിധ പെന്തെക്കോസ്ത് പ്രസ്ഥാനങ്ങളുടെ ജനറൽ കൺവൻഷൻ ഒരുക്കങ്ങൾ പുരോഗമിക്കുന്നു. കേന്ദ്ര സംസ്ഥാന സർക്കാരുകളുടെ മാർഗ്ഗ നിർദ്ദേശാനുസരണം പരിമിതമായ അംഗങ്ങൾക്ക് മാത്രമായിരിക്കും കൺവൻഷൻ നഗരിയിലേക്ക് പ്രവേശനം.
ശാരോൻ ഫെലോഷിപ്പ് ചർച്ച് (SFC)
തിരുവല്ല : ശാരോൻ ഫെലോഷിപ്പ് ചർച്ചിന്റെ ജനറൽ കൺവൻഷൻ 2021, ഡിസം. 2-5 വരെ ഓൺലൈനായി നടത്തപ്പെട്ടു. ശാരോൻ ഫെലോഷിപ്പ് ചർച്ച് അന്തർദേശീയ പ്രസിഡന്റ് പാ. ജോൺ തോമസ് കൺവൻഷൻ ഉത്‌ഘാടനം ചെയ്തു. പൊതുയോഗം, വനിതാ സമാജം, CEM, സൺഡേ സ്കൂൾ സമ്മേളനവും ഡിസം. 5 ന് നടന്ന സഭായോഗവും, സമാപന സമ്മേളനത്തോടും കൂടി ജനറൽ കൺവൻഷൻ സമാപിച്ചു.
പെന്തെക്കോസ്തൽ മാറാനാഥാ ഗോസ്പൽ ചർച്ച് (PMG)
തിരുവനന്തപുരം : പെന്തെക്കോസ്തൽ മാറാനാഥാ ഗോസ്പൽ ചർച്ചിന്റെ 16 – മത് ജനറൽ കൺവൻഷൻ തിരുവനന്തപുരം സഭാസ്ഥാനത്തുള്ള കർമ്മേൽ പ്രയർ ഹാളിൽ 2021, ഡിസം. 23-25 വരെ നടന്നു. PMGC ജനറൽ പ്രസിഡന്റ്, പാ. എം. എ. വർഗീസ് ഉത്‌ഘാടനം ചെയ്ത കൺവൻഷനിൽ പാസ്റ്റർമാരായ പി. എം. പാപ്പച്ചൻ (PMGC കേരള സ്റ്റേറ്റ് പ്രസിഡന്റ്), ജി. ജെ. അലക്സാണ്ടർ (ഡിസ്ട്രിക്ട് പാസ്റ്റർ), ജോൺ ജോർജ് (ഡിസ്ട്രിക്ട് പാസ്റ്റർ), മാത്യു എബ്രഹാം (ദോഹ), എം. എ. ജോൺ (USA) എന്നിവർ വചനശുശ്രുഷ നിർവഹിച്ചു.
ന്യൂ ഇന്ത്യ ചർച്ച് ഓഫ് ഗോഡ് – ജനുവരി 13-16
ചിങ്ങവനം : ന്യൂ ഇന്ത്യ ചർച്ച് ഓഫ് ഗോഡ് ജനറൽ കൺവൻഷൻ, ജനുവരി 13 മുതൽ 16 വരെ ചിങ്ങവനം ബഥേസ്ദാ നഗറിൽ നടക്കും. പാസ്റ്റർ വി എ തമ്പി പ്രാർത്ഥിച്ച് ആരംഭിക്കുന്ന യോഗത്തിൽ പാസ്റ്റർമാരായ ആർ. എബ്രഹാം, ബിജു തമ്പി, ബാബു ചെറിയാൻ, റ്റി എം കുരുവിള, പ്രിൻസ് തോമസ്, അനീഷ് തോമസ്, റെജി കുര്യൻ, ജേക്കബ് മാത്യു, ബിജു സി എക്സ്, ബിനു തമ്പി, ഷിബു മാത്യു, തുടങ്ങിയവർ വിവിധ സെഷനുകളിൽ പ്രസംഗിക്കും. സൺഡേസ്കൂൾ വൈപിസിഎ സംയുക്ത മീറ്റിങ്ങ് എന്നിവ നടക്കും. ക്രൈസ്റ്റ് ഫോർ ഇന്ത്യ സിംഗേഴ്സ് ഗാന ശുശ്രൂഷയ്ക്ക് നേതൃത്വം നൽകും. 16 – )o തീയതി സംയുക്ത ആരാധനയോടു കൂടി ജനറൽ കൺവൻഷൻ സമാപിക്കും.
ഇന്ത്യ പെന്തെക്കോസ്ത് ദൈവസഭ (IPC) – ജനുവരി 16-23
കുമ്പനാട് : ഇന്ത്യ പെന്തെക്കോസ്ത് ദൈവസഭ (ഐപിസി) യുടെ 98 – മത് ജനറൽ കൺവൻഷൻ ജനുവരി 16-23 വരെ ഹെബ്രോൻപുരത്ത് നടക്കും. ജനറൽ പ്രസിഡന്റ് പാ. ഡോ. വത്സൻ എബ്രഹാം ഉത്‌ഘാടനം ചെയ്യുന്ന മഹായോഗത്തിൽ ജനറൽ സെക്രട്ടറി, പാ. സാം ജോർജ് അദ്ധ്യക്ഷനായിരിക്കും. ‘യേശുവിനെ കാണുക’ (യോഹ : 12:21) എന്നതാണ് ഈ വർഷത്തെ കൺവൻഷൻ ചിന്താവിഷയം. പൊതുയോഗങ്ങൾ, സഹോദരി സമ്മേളനം, യുവജന സമ്മേളനം, ഉപവാസ പ്രാർത്ഥന, എന്നിവ കൺവൻഷനോടനുബന്ധിച്ച് ക്രമീകരിച്ചിട്ടുണ്ട്. ജനറൽ കൗൺസിൽ ഭാരവാഹികളും, വിവിധ സ്റ്റേറ്റ്, റീജിയൻ ഭാരവാഹികളും വചനശുശ്രുഷ നിർവഹിക്കും. ജനുവരി 23 ന് നടക്കുന്ന സഭായോഗത്തോടും, സമാപന സമ്മേളനത്തോടും കൂടി കൺവൻഷൻ സമാപിക്കും.
ചർച്ച് ഓഫ് ഗോഡ് കേരള സ്റ്റേറ്റ് – ജനുവരി 27-29
മുളക്കുഴ : ചർച്ച് ഓഫ് ഗോഡ് കേരള സ്റ്റേറ്റ് 99 – മത് ജനറൽ കൺവൻഷൻ ജനുവരി 27-29 വരെ സഭാസ്ഥാനമായ മുളകുഴ സീയോൻ കുന്നിൽ വച്ച് നടക്കും. ജനുവരി 27 ന് ചർച്ച് ഓഫ് ഗോഡ് കേരള സ്റ്റേറ്റ് ഓവർസിയർ പാ. സി. സി. തോമസ് കൺവൻഷൻ ഉത്‌ഘാടനം ചെയ്യും.
വേൾഡ് മിഷൻ ഇവാഞ്ചലിസം ചർച്ച് ഓഫ് ഇന്ത്യ (WME) – ഫെബ്രുവരി 21-27
കരിയംപ്ലാവ് : വേൾഡ് മിഷൻ ഇവാഞ്ചലിസം ചർച്ച് ഓഫ് ഇന്ത്യ (WME) യുടെ 73 – മത് ജനറൽ കൺവൻഷൻ റാന്നി കരിയംപ്ലാവ് ഹെബ്രോൻ സ്റ്റേഡിയത്തിൽ ഫെബ്രുവരി 21 ന് ആരംഭിക്കും. ജനറൽ പ്രസിഡന്റ് പാ. ഒ. എം. രാജുകുട്ടി ഉത്‌ഘാടനം ചെയ്യുന്ന മഹായോഗത്തിൽ പൊതുയോഗം, സ്നാനശുശ്രുഷ, സംയുക്ത ആരാധന എന്നിവ നടക്കും. കൺവൻഷൻ ഫെബ്രു. 27 സമാപിക്കും.
ചർച്ച് ഓഫ് ഗോഡ് കേരള റീജിയൻ – ഫെബ്രുവരി 23-25
പാക്കിൽ : ചർച്ച് ഓഫ് ഗോഡ് കേരള റീജിയൻ ജനറൽ കൺവൻഷനും ഗോൾഡൻ ജൂബിലി സമാപന സമ്മേളനവും 2022 ഫെബ്രുവരി 23,24,25 (ബുധൻ, വ്യാഴം, വെള്ളി) തീയതികളിൽ പാക്കിൽ പ്രത്യാശ നഗറിൽ നടക്കും. ചർച്ച് ഓഫ് ഗോഡ് കേരള റീജിയൻ സ്റ്റേറ്റ് ഓവർസിയർ പാ. എൻ. പി. കൊച്ചുമോൻ കുമരകം ഉത്‌ഘാടനം ചെയ്യുന്ന മഹായോഗത്തിൽ ബൈബിൾ സ്കൂൾ ബിരുദദാന ചടങ്ങ്, സ്നാനം, വിവിധ ഡിപ്പാർട്ടുമെൻ്റുകളുടെ പ്രോഗ്രാം, ഗോൾഡൻ ജൂബിലി സുവനീർ പ്രകാശനം എന്നിവ നടക്കും. 25-ാം തീയതി ഉച്ചയ്ക്കു 2 മണിക്ക് ഒരു വർഷം നീണ്ടു നിന്ന ഗോൾഡൻ ജൂബിലി ആഘോഷങ്ങളുടെ സമാപന സമ്മേളനം പ്രത്യാശ നഗറിൽ നടക്കും. ചർച്ച് ഓഫ് ഗോഡ് ക്വയർ ഗാനങ്ങൾ ആലപിയ്ക്കും.
