കോട്ടയം : സാമൂഹിക തിന്മകൾക്കെതിരെ ഫെബ്രുവരി 14 ന് കാസർഗോഡ് നിന്നും ആരംഭിച്ച ന്യൂ ഇന്ത്യ ദൈവസഭ മിഷൻ ഡിപ്പാർട്ട്മെൻറ് ഒരുക്കുന്ന കേരളയാത്ര 10 ജില്ലകൾ പിന്നിട്ട് കോട്ടയത്ത് എത്തിച്ചേർന്നു. മിഷൻ ഡിപ്പാർട്ട്മെന്റ് ചെയർമാനും യാത്ര ക്യാപ്റ്റനും ആയ പാസ്റ്റർ തോമസ് കെ. എബ്രഹാമിന്റെ നേതൃത്വത്തിലാണ് ലഹരി വിരുദ്ധ കേരള സന്ദേശയാത്ര. ആത്മീയ, രാഷ്ട്രീയ സാമൂഹിക സാംസ്കാരിക മേഖലയിലെ
സമുഹത്തിന്റെ നാനാതുറകളിൽ പ്രവർത്തിക്കുന്നവർ ജനപ്രതിനിധികൾ, പോലീസ് അധികാരികൾ തുടങ്ങിയവർ പല സ്ഥലങ്ങളിലും പങ്കെടുത്തു. 10 ജില്ലകളിൽ പിന്നിട്ട കേരള യാത്ര വിശ്വാസ സമൂഹത്തിന്റെ പങ്കാളിത്തത്തോടെ സെന്റെറ്ററുകളുടെ നേതൃത്വത്തിൽ സാമൂഹ്യ തിന്മകൾക്കെതിരെ ജനം ഒരുമിച്ച് അണിചേർന്നു. ഇടുക്കി, പത്തനംതിട്ട , കൊല്ലം , തിരുവനന്തപുരം എന്നി ജില്ലകൾ പിന്നിട്ട്, മാർച്ച് നാലാം തീയതി ശനിയാഴ്ച്ച വൈകുന്നേരം 4 മണിക്ക് തിരുവനന്തപുരത്ത് റാലിയോടുകൂടെ ഗാന്ധി പാർക്കിൽ പൊതുസമ്മേളനവും മ്യൂസിക് ഫെസ്റ്റും നടത്തപ്പെടും. വൈസ് ക്യാപ്റ്റൻമാർ മിഷൻ സ്റ്റേറ്റ് ബോർഡ് ഭാരവാഹികൾ തുടങ്ങിയവർ നേതൃത്വം വഹിക്കുന്നു.