February 2024

നിരണം :കടപ്ര തുമ്പേൽ കിഴക്കേതിൽ വീട്ടിൽ ശ്രീ. റ്റി. ജെ. എബ്രഹാം (ബേബിച്ചായൻ,98) നിത്യതയിൽ ചേർക്കപ്പെട്ടു. കടപ്ര ശാരോൻ ഫെലോഷിപ് ചർച്ച് ആരംഭകാല വിശ്വാസിയാണ്. ഭാര്യ : നിരണം പഴങ്ങേരിൽ കുടുംബാംഗം പരേതയായ മറിയാമ്മ എബ്രഹാം. മക്കൾ : റീന, സജി (അജ്മാൻ ശാരോൻ ചർച്ച് മുൻ പാസ്റ്റർ), രാജു (ദുബായ് ബഥേൽ ശാരോൻ ചർച്ച് സെക്രട്ടറി), റെജി, പരേതനായ റോയ്. മരുമക്കൾ : ജയിംസ്, റോസമ്മ, മിനു, മിനി. സംസ്കാരം പിന്നീട്.

ലണ്ടൻ : യു കെ യിൽ മൂന്ന് മാസം മുൻപ് സ്റ്റുഡന്റ് വിസയിൽ എത്തിയ ലണ്ടന്‍ പെന്തെക്കോസ്തൽ സഭാംഗം ഡേവിസ് സൈമൺ (25) ബ്ലഡ്‌ ക്യാൻസർ ബാധിച്ച് ചികിത്സയിലിരിക്കെ നിത്യതയിൽ ചേർക്കപ്പെട്ടു. 2023 നവംബറിൽ സ്റ്റുഡന്റ് വിസയില്‍ യു കെ യില്‍ എത്തിയ ഡേവിസ് സൈമൺ, രോഹാംപ്റ്റണ്‍ സർവ്വകലാശാലയിലെ എം എസ് സി ഫിനാന്‍ഷ്യല്‍ മാനേജ്‌മെന്റ് വിദ്യാര്‍ത്ഥിയായിരുന്നു. ലണ്ടനിലെ ചാറിങ് ക്രോസ് ആശുപത്രിയില്‍ ഫെബ്രുവരി 25 ഞാറാഴ്ച്ച രാത്രി 9.30 മണിക്കാണ് മരണം സ്ഥിരീകരിച്ചത്.പരേതനായ സൈമൺ സാമുവേൽ,

കുറിച്ചി : ന്യൂ ഇന്ത്യാ ചർച്ച് ഓഫ് ഗോഡ് ആദ്യകാല പ്രവർത്തകനും ജയിൽ സുവിശേഷകനുമായിരുന്ന കുറിച്ചി തെക്കേപ്പറമ്പിൽ പാസ്റ്റർ റ്റി. യു. ബേബിച്ചൻ കർത്തൃസന്നിധിയിൽ ചേർക്കപ്പെട്ടു. ഭാര്യ: ചാന്നാനിക്കാട് പുതുപ്പറമ്പിൽ സൂസ്സമ്മ മാത്യു. മക്കൾ: സുബി, സിബി, എബി സംസ്കാരം നാളെ (26/02/2024 തിങ്കൾ) രാവിലെ 8 മുതൽ ഹോമിയോ കോളേജ് ജംഗ്ഷന് സമീപമുള്ള ന്യൂ ഇന്ത്യാ ചർച്ച് ഓഫ് ഗോഡ് ഹാളിലെ ശുശ്രൂഷകൾക്ക് ശേഷം വൈകുന്നേരം 3 ന് ചീരംചിറയിലുള്ള സഭാ സെമിത്തേരിയിൽ.  

ദുബായ് : മണക്കാല സ്വദേശിയും, ഷാർജ ശാരോൻ ഫെല്ലോഷിപ്പ് സഭാംഗവുമായ നയോമി ജോബിൻ (5) ദുബായിൽ വാഹനാപകടത്തിൽ കർത്തൃസന്നിധിയിൽ ചേർക്കപ്പെട്ടു. ജോബിൻ ബാബു വർഗീസിന്റെയും സോബിൻ ജോബിന്റെയും മകളാണ് നയോമി. ഫെബ്രു. 23 ന് നാട്ടിൽ നിന്ന് മടങ്ങവേ ദുബായ് വിമാനത്താവളത്തിൽനിന്ന് താമസസ്ഥലത്തേക്കുള്ള യാത്രയിൽ വാഹനത്തിന്റെ ടയർ പൊട്ടിത്തെറിച്ചാണ് അപകടമുണ്ടായത്. ഷാർജ ഇന്ത്യൻ സ്‌കൂൾ കെ. ജി. വൺ വിദ്യാർഥിനിയാണ് നയോമി. നയോമിയുടെ ഇരട്ടസഹോദരൻ നിതിൻ ജോബിൻ, സഹോദരി നോവ ജോയ് എന്നിവരാണ് ജോബിൻ – സോബിൻ