‘റോമർക്ക് എഴുതിയ ലേഖനം’ – ഒരു പഠനം (69)
പാ. ഡോ. അലക്സ് ജോൺ, M.Th; Th.d
ദൈവം അവനെ ഉയിർപ്പിച്ചത് നമുക്ക് വേണ്ടിയുള്ള അവന്റെ മരണത്തെ ദൈവം അംഗീകരിച്ചു എന്നതിന്റെ തെളിവാണ്. അവന്റെ മരണത്തിൽ നമ്മുടെ നീതികരണത്തിന് ഉള്ളതെല്ലാം ദൈവം കണ്ടിരുന്നു എന്നതിന്റെ തെളിവാണ് അവന്റെ പുനരുത്ഥാനം. ‘അവന്റെ മരണത്താൽ നമ്മുടെ കടം വീട്ടി. അവന്റെ ഉയിർപ്പിനാൽ കടം വീട്ടിയ രസീത് അവൻ വാങ്ങിച്ചു (യെശ :53:8). അവൻ വിട്ടയക്കപെട്ടപ്പോൾ അവനിൽ, അവനോട് കൂടെ നാമും നമ്മുടെ മുഴുപാപത്തിന്റെ കുറ്റത്തിൽ നിന്നും ശിക്ഷയിൽ നിന്നും വിട്ടയ്ക്കപ്പെടുന്നു. വിശ്വസിക്കുന്ന നമുക്കും കണക്കിടുന്നു. പൗലോസ് വിശ്വാസത്തിൽ പ്രാധാന്യം ഉറപ്പിച്ചു പറയുന്നത് നോക്കുക. ഈ അനുഗ്രഹങ്ങളെല്ലാം വിശ്വസിക്കുന്നവർക്കാണ് ലഭിക്കുന്നത്.
ക്രിസ്തു എന്തിന് മരിച്ചു ?
1) പാപത്തിന് പ്രായശ്ചിത്തം വരുത്തുവാൻ (എബ്രാ :1:3, 2:17)
2) പാപപരിഹാരം വരുത്തുവാൻ
3) നമ്മുടെ അതിക്രമങ്ങൾ നിമിത്തം
4) പാപം പോക്കി ശുദ്ധീകരിക്കുവാൻ (വെളി :1:6)
5) നാം പാപം സംബന്ധിച്ച് മരിക്കുന്നവരാകാൻ (1 പത്രോസ് :2:24)
6) നാം അവനിൽ ദൈവനീതിയാകേണ്ടതിന് (2 കോരി :5:21)
7) ദുഷ്ടലോകത്തിൽ നിന്ന് നമ്മെ വിടുവിക്കേണ്ടതിന് (ഗലാ :1:4)
8) നമ്മുടെ സ്വയത്തിൽ നിന്ന് നമ്മെ വേർപിരിക്കാൻ (2 കോരി :5:14,15)
9) നമ്മെ ദൈവത്തോട് അടുപ്പിക്കേണ്ടതിന് (1 പത്രോസ് :3:18)
അദ്ധ്യായം :5
നീതികരണത്തിന്റെ ഫലങ്ങൾ (വാ. 1-11)
ഇവിടെ നീതികരണത്തിന്റെ പരിണിതഫലമായ ൧൦ ഫലങ്ങൾ കാണിച്ചിരിക്കുന്നു.
1) ദൈവത്തോടുള്ള സമാധാനം (വാ. 1)
2) കൃപയിലേക്കുള്ള പ്രവേശനം (വാ. 2)
3) ദൈവതേജസ്സിന്റെ പ്രത്യാശയിൽ പ്രശംസിക്കുക (വാ. 2)
4) കഷ്ടങ്ങളിൽ പ്രശംസിക്കുക (വാ. 3)
5) പ്രത്യാശയ്ക്ക് ഭംഗം വരുന്നില്ല. (വാ. 3)
6) ഹൃദയങ്ങളിൽ ദൈവസ്നേഹം പകർന്നിരിക്കുന്നു (വാ. 5)
7) എത്ര അധികമായി കോപത്തിൽ നിന്നുള്ള രക്ഷ (വാ. 9)
8) ദൈവത്തോടുള്ള നിരപ്പ് (വാ. 10)
9) ജീവനാലുള്ള സമൃദ്ധമായ രക്ഷ (വാ. 10)
10) ദൈവത്തിലുള്ള പ്രശംസ (വാ. 11)
5:1 വിശ്വാസത്താൽ നീതികരിക്കപ്പെട്ടിട്ട് … സമാധാനമുണ്ട്.
സമാധാനം എന്ന വാക്കിന് യുദ്ധം തീർന്ന അവസ്ഥ എന്നാണ് അർത്ഥം. ഈ യുദ്ധം ഒരു രാജാവും മത്സരികളായ പ്രജകളും തമ്മിലുള്ള യുദ്ധമാണ്.